
Ignite Nordic á Íslandi - Kveikjan
Kveikjan er íslenski hluti Ignite Nordic, norræns vettvangs sem tengir rótgróin fyrirtæki og opinbera aðila við frumkvöðla og sprotafyrirtæki. Fyrirtækin og opinberir aðilar koma með raunverulegar áskoranir úr rekstrinum og við finnum frumkvöðla á Íslandi og á Norðurlöndunum sem geta leyst þær.
Aðferðafræðin var þróuð í Svíþjóð, þar sem Ignite hefur tengt sprotafyrirtæki við stór fyrirtæki og opinbera aðila síðan 2017. Í dag starfar Ignite í Svíþjóð, Noregi, Danmörku og á Íslandi. Drift EA rekur Kveikjuna á Íslandi.
Ignite í tölum
- 5000+ skráðir frumkvöðlar
- 450+ fyrirtæki og opinberir aðilar
- 8.800+ pörunarfundir
- 788+ viðskiptasamningar
- 6 af hverjum 10 fundum leiða til frekari viðræðna

Þátttakendur
á Íslandi
Drift EA byrjaði verkefnið á Norðurlandi eystra árið 2024 með 10 fyrirtækjum
Drift EA hóf Kveikjuna á Norðurlandi eystra árið 2024 í samstarfi við
Samtök sveitarfélaga og atvinnuþróunar á Norðurlandi eystra (SSNE). Fyrirtæki á borð við Samherja, Rafeyri, Frost, Sæplast, Slippinn, Höld og Stefnu tóku þátt í vinnustofum þar sem áskoranir voru greindar og tækifæri til samstarfs við frumkvöðla kortlögð.
Árið 2026 færir Kveikjan út kvíarnar til Suðurlands í samstarfi við Háskólafélag Suðurlands og til Vesturlands í samstarfi við Samtök sveitarfélaga á Vesturlandi. Sama aðferðafræði og reyndist vel fyrir norðan er nú notuð til að tengja fyrirtæki og frumkvöðla um allt land.
Í dag eru eftirfarandi fyrirtæki þegar þáttttakendur: Samherji, SS, Rafeyri, Bílaleiga Akureyrar, Frost, Límtré Vírnet, Sæplast, Holta Kjúklingur, Stefna, Slippurinn, Húsheild Hyrna, Nortek, SS byggir, Rotovia.

Fyrir frumkvöðla
Fáðu fund með þeim sem taka ákvarðanir, ekki bara nafn á tengilið
- Tenging við fyrirtæki um öll Norðurlöndin
- Tækifæri til að prófa lausnina í raunverulegu umhverfi
- Finna viðskiptavini
- 20 mínútna pörunarfundir við fyrirtæki og opinbera aðila
- Undirbúningur fyrir fundi og aðgangur að sniðmátum fyrir NDA og POC-samninga
- Þátttaka er frumkvöðlum að kostnaðarlausu
Fyrir fyrirtæki
Sparaðu fyrirtækinu mörg ár í nýsköpunarvinnu
- Við greinum áskoranirnar með ykkur, leitum að réttu sprotafyrirtækjunum til að leysa ykkar þarfir og skipuleggjum fundina.
- Vinnustofa þar sem helstu áskoranir, þarfir og tækifæri eru kortlögð
- Sérvalin sprotafyrirtæki frá Íslandi og Norðurlöndunum
- Eftirfylgni sem breytir fundum í raunveruleg verkefni
- Að lágmarki þrír pörunarviðburðir á ári

Samstarfsaðilar
Ignite Nordic er fjármagnað af menningar-, nýsköpunar- og háskólaráðuneytinu, Drift EA, Samtökum sveitarfélaga á Vesturlandi (SSV), Samtökum sveitarfélaga á Norðurlandi eystra (SSNE) og Háskólafélagi Suðurlands (HFSU).
Kveikjan byggir á öflugu samstarfi við aðila í nýsköpunarumhverfinu um allt land: SSNE, SSV, Háskólafélag Suðurlands, KLAK – Icelandic Startups, Sjávarklasann, IceBAN, Háskólann á Akureyri og Fjársýsluna.

Hafðu samband

Viltu taka þátt? Hvort sem þú rekur fyrirtæki með áskorun eða ert frumkvöðull með lausn, heyrðu í okkur.
Sigmar Bjarni Sigurðarson
Forstöðumaður Ignite Nordic á Íslandi hjá DriftEA
email:
Kynntu þér Ignite Nordic
Kveikjan er hluti af Ignite Nordic. Kynntu þér norræna netið og skráðu sprotafyrirtækið þitt á Ignite Magic.














